ਪੈਂਤੀ – ਪੰਜਾਬੀ ਯੂਨੀਕੋਡ ਫੌਂਟ

ਪੈਂਤੀ – ਪੰਜਾਬੀ ਯੂਨੀਕੋਡ ਫੌਂਟ

ਪੈਂਤੀ ਇੱਕ ਬਿਲਕੁਲ ਹੀ ਨਵੀਂ ਵੰਨਗੀ ਦੇ ਪੰਜਾਬੀ ਫੌਂਟ ਹਨ। ਇਸਦਾ ਅਧਾਰ ਇੱਕ ਚੌਰਸ ਡੱਬਾ ਹੈ। ਇਸ ਕਰਕੇ ਇਹਨਾਂ ਫੌਂਟਾਂ ਦਾ ਸਰੂਪ ਵੀ ਚੌਰਸ ਜਿਹਾ ਹੈ। ਇਹ ਫੌਂਟ ਤਿੰਨ ਰੂਪਾਂ ਵਿੱਚ ਲੋਕ ਅਰਪਣ ਕੀਤੇ ਗਏ ਹਨ – ਪੈਂਤੀ, ਪੈਂਤੀ ਆਮ ਅਤੇ ਪੈਂਤੀ ਫੋਨੈਟਿਕ। ‘ਪੈਂਤੀ’ ਫੌਂਟ ਲੜੀ ਪੂਰੀ ਯੂਨੀਕੋਡ ਅਧਾਰਿਤ ਹੈ ਤੇ ਇਸ ਵਿਚਲੇ ਅੰਗਰੇਜ਼ੀ ਅੱਖਰਾਂ ਦੀ ਸ਼ਕਲ ਵੀ ਚੌਰਸ ਅਧਾਰ ਵਾਲੀ ਹੀ ਹੈ। ‘ਪੈਂਤੀ ਆਮ’ ਵਿੱਚ ਕੇਵਲ ਗੁਰਮੁਖੀ ਅੱਖਰ ਹੀ ਚੌਰਸ ਅਧਾਰ ਵਾਲੇ ਹਨ ਜਦਕਿ ਅੰਗਰੇਜ਼ੀ ਅੱਖਰ ਮੂਲ ਹੀ ਹੋਣਗੇ। ਇਸ ਤੋਂ ਇਲਾਵਾ ਤੀਜੀ ਕਿਸਮ ‘ਪੈਂਤੀ ਫੋਨੈਟਿਕ’ ਹੈ ਜਿਸ ਵਿੱਚ ਅੰਗਰੇਜ਼ੀ ਅੱਖਰਾਂ ਦੀ ਧੁਨੀ ਮੁਤਾਬਿਕ ਪੰਜਾਬੀ ਅੱਖਰ ਚਿਣੇ ਹੋਏ ਹਨ। ਪੈਂਤੀ ਅਤੇ ਪੈਂਤੀ ਆਮ ਦੋਵੇਂ ਹੀ ਮਿਆਰੀ ਇਨਸਕ੍ਰਿਟ ਅਧਾਰਿਤ ਹਨ ਜਦਕਿ ਪੈਂਤੀ ਫੋਨੈਟਿਕ ਤਾਂ ਕਈ ਸਾਫਟਵੇਅਰਾਂ ਦੁਆਰਾ ਯੂਨੀਕੋਡ ਨਾ ਅਪਣਾਉਣ ਕਾਰਨ, ਵਰਤੋਂਕਾਰਾਂ ਦੀ ਸਹੂਲਤ ਮੁੱਖ ਰੱਖਦੇ ਹੋਏ, ਤਿਆਰ ਕੀਤੇ ਗਏ ਹਨ। ਇਹਨਾਂ ਦੀ ਵਿਸ਼ੇਸ਼ਤਾ, ਝਲਕ, ਗੁਣ, ਅੱਖਰ-ਕ੍ਰਮ ਅਤੇ ਡਾਊਨਲੋਡ ਕੜੀਆਂ ਬਾਰੇ ਹੇਠਾਂ ਵਿਸਥਾਰਪੂਰਵਕ ਵੇਰਵਾ ਦਿੱਤਾ ਹੋਇਆ ਹੈ।

ਵਿਸ਼ੇਸ਼ਤਾ
  1. ਨਵੀਨ ਅਤੇ ਵੱਖਰੀ ਵੰਨਗੀ
  2. ਤਿੰਨ ਵੱਖਰੀਆਂ ਕਿਸਮਾਂ ‘ਚ
    • ਪੈਂਤੀ
    • ਪੈਂਤੀ ਆਮ
    • ਪੈਂਤੀ ਫੋਨੈਟਿਕ
ਵੇਰਵਾ
ਨਾਂ ਪੈਂਤੀ, ਪੈਂਤੀ ਆਮ, ਪੈਂਤੀ ਫੋਨੈਟਿਕ
ਆਕਾਰ 57 Kb
ਰਚਨਹਾਰਾ ਸਤਨਾਮ ਸਿੰਘ ਵਿਰਦੀ
ਲਸੰਸ ਮੁਫ਼ਤ, ਵਪਾਰਕ ਅਤੇ ਨਿੱਜੀ ਵਰਤੋਂ ਲਈ
ਝਲਕ

ਇਹਨਾਂ ਫੌਂਟਾਂ ਦੀ ਝਲਕ ਹੇਠਾਂ ਦਿੱਤੀਆਂ ਤਸਵੀਰਾਂ ‘ਚੋਂ ਦੇਖੀ ਜਾ ਸਕਦੀ ਹੈ।

This slideshow requires JavaScript.

ਤਬਦੀਲੀ ਚਿੱਠਾ
ਸੰਸ. 2.0 (v2.0)
* ਫੋਨੈਟਿਕ (ਧੁਨਾਤਮਿਕ) ਫੌਂਟ ਨੂੰ ਅਨਮੋਲ ਲਿਪੀ ਅਨੁਸਾਰ ਢਾਲਿਆ।
* ਹੋਰ ਛੋਟੇ-ਮੋਟੇ ਸੁਧਾਰ ਕੀਤੇ।
ਸੰਸ. 1.0 (v1.0)
* ਸ਼ੁਰੂਆਤੀ ਸੰਸਕਰਣ(ਵਰਜਨ) ਜਾਰੀ ਕੀਤਾ।

ਡਾਊਨਲੋਡ ਕਰੋ

ਉਤਾਰੋ (ਮੁੱਖ ਕੜੀ)

ਜੇਕਰ ਉਪਰੋਕਤ ਕੜੀ ਵਿੱਚੋਂ ਫਾਈਲ ਉਤਾਰਨ(ਡਾਊਨਲੋਡ ਕਰਨ) ਵਿੱਚ ਕੋਈ ਦਿੱਕਤ ਆਵੇ ਤਾਂ ਹੇਠਾਂ ਦਿੱਤੀਆਂ ਕੜੀਆਂ ਤੋਂ ਜ਼ਿਪ ਫਾਈਲ ਉਤਾਰੋ।

ਜੇਕਰ ਉਪਰੋਕਤ ਕੜੀ ਵਿੱਚੋਂ ਵੀ ਫਾਈਲ ਉਤਾਰਨ(ਡਾਊਨਲੋਡ ਕਰਨ) ਵਿੱਚ ਕੋਈ ਦਿੱਕਤ ਆਵੇ ਤਾਂ ਸਾਡੋ ਸੰਪਰਕ ਪੰਨੇ ਰਾਹੀਂ ਜਾਂ ਸਾਡੇ ਈ-ਮੇਲ ਪਤੇ psourcehelp@gmail.com ਰਾਹੀਂ ਸਾਡੇ ਨਾਲ ਰਾਬਤਾ ਕਾਇਮ ਕਰੋ।
ਵਿਕੀਪੀਡੀਆ – ਇੱਕ ਅਜ਼ਾਦ ਵਿਸ਼ਵਕੋਸ਼

ਵਿਕੀਪੀਡੀਆ – ਇੱਕ ਅਜ਼ਾਦ ਵਿਸ਼ਵਕੋਸ਼

ਪੜ੍ਹਨਾ ਜਾਰੀ ਰੱਖੋ

ਐਂਡਰੌਇਡ ਫ਼ੋਨਾਂ ਵਿੱਚ ਪੰਜਾਬੀ ‘ਚ ਲਿਖਣ ਲਈ ਸਭ ਤੋਂ ਬਿਹਤਰੀਨ ਕੀ-ਬੋਰਡ ਬਾਰੇ ਜਾਣੋ

ਐਂਡਰੌਇਡ ਫ਼ੋਨਾਂ ਵਿੱਚ ਪੰਜਾਬੀ ‘ਚ ਲਿਖਣ ਲਈ ਸਭ ਤੋਂ ਬਿਹਤਰੀਨ ਕੀ-ਬੋਰਡ ਬਾਰੇ ਜਾਣੋ

ਪੜ੍ਹਨਾ ਜਾਰੀ ਰੱਖੋ

ਐਂਡਰੋਇਡ ਫ਼ੋਨਾਂ ਵਿੱਚ ਮਿਲਣ ਵਾਲੀ .nomedia ਫਾਈਲ ਬਾਰੇ ਜਾਣੋ

ਐਂਡਰੋਇਡ ਫ਼ੋਨਾਂ ਵਿੱਚ ਮਿਲਣ ਵਾਲੀ .nomedia ਫਾਈਲ ਬਾਰੇ ਜਾਣੋ

ਪਿਆਰੇ ਸਾਥੀਓ, ਸਤਿ ਸ਼੍ਰੀ ਅਕਾਲ।
ਅੱਜ ਮੈਂ ਤੁਹਾਨੂੰ ਐਂਡਰੋਇਡ ਫ਼ੋਨਾਂ ਵਿੱਚ ਆਮ ਤੌਰ ‘ਤੇ ਮਿਲਣ ਵਾਲੀ .nomedia ਫਾਈਲ ਬਾਰੇ ਦੱਸਣ ਜਾ ਰਿਹਾ ਹਾਂ। ਇਹ ਇੱਕ ਤੰਤਰੀ (ਸਿਸਟਮ) ਫਾਈਲ ਹੈ। ਇਹ ਜ਼ਿਆਦਾਤਰ ਫ਼ੋਨ ਵਿੱਚ ਸਥਾਪਿਤ ਕੀਤੀਆਂ ਐਪਾਂ ਵਾਲੇ ਫੋਲਡਰਾਂ ਵਿੱਚ ਮਿਲਦੀ ਹੈ। ਉਂਝ ਇਸਦਾ ਆਕਾਰ ਤਾਂ 0.00B (੦ ਬਾਈਟ) ਹੁੰਦਾ ਹੈ ਪਰ ਆਪਣੇ ਕੰਮ ਕਾਰਨ ਇਹ ਫਾਈਲ ਕਾਫੀ ਮਹੱਤਵਪੂਰਨ ਹੈ। ਫਾਈਲ ਦੇ ਨਾਂ ਦੇ ਅਗੇਤਰ ਪੈਰੀਂ-ਬਿੰਦੀ (.) ਲੱਗੇ ਹੋਣ ਕਾਰਨ ਮੂਲ ਰੂਪ ਵਿੱਚ ਇਹ ਫਾਈਲ ਲੁਕੀ ਹੀ ਰਹਿੰਦੀ ਹੈ।

ਇਹ ਵੀ ਦੇਖੋ: ਆਨਲਾਈਨ ਪੰਜਾਬੀ ਦੀ ਵਰਤੋਂ ਸਬੰਧੀ ਕੁਝ ਨਿਯਮਾਂ ਦਾ ਨਿਰਮਾਣ

ਜਿਵੇਂ ਕਿ ਇਸਦੇ ਨਾਂ ਨੂੰ ਦੇਖਕੇ ਸਹਿਜੇ ਹੀ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਹ ਫਾਈਲ (.nomedia) ਕਿਸੇ ਵੀ ਮੀਡੀਆ ਨੂੰ ਪੇਸ਼ਗੀ ਦੀ ਇਜਾਜ਼ਤ ਨਹੀਂ ਦਿੰਦੀ। ਸੋ ਇਸ ਫਾਈਲ ਦਾ ਮੁੱਖ ਕੰਮ ਤੰਤਰ ਲਈ ਲੋੜੀਂਦੀਆਂ ਤਸਵੀਰੀ ਫਾਈਲਾਂ ਨੂੰ ਸਬੰਧਿਤ ਐਪਾਂ ਦੀ ਪਹੁੰਚ ਤੋਂ ਦੂਰ ਰੱਖਣਾ ਹੈ। ਸਾਧਾਰਨ ਸ਼ਬਦਾਂ ਵਿੱਚ ਕਿਹਾ ਜਾਵੇ ਤਾਂ ਜਦੋਂ ਵੀ ਆਪਾਂ ਕੋਈ ਐਪ ਫ਼ੋਨ ‘ਚ ਸਥਾਪਿਤ ਕਰਦੇ ਹਾਂ ਤਾਂ ਉਸ ਐਪ ਨਾਲ ਸਬੰਧਿਤ ਫੋਲਡਰ ਵਿੱਚ ਕਈ ਤਸਵੀਰੀ ਫਾਈਲਾਂ ਬਣ ਜਾਂਦੀਆਂ ਹਨ ਜੋ ਕਿ ਉਸ ਐਪ ਲਈ ਜ਼ਰੂਰੀ ਹਨ। ਦੂਜੇ ਪਾਸੇ ਗੈਲਰੀ ਐਪ ਫਾਈਲਾਂ ਸਕੈਨ ਕਰਨ ਦੌਰਾਨ ਇਹਨਾਂ ਨੂੰ ਵੀ ਉਸ ਵਿੱਚ ਸ਼ਾਮਿਲ ਕਰ ਸਕਦੀ ਹਨ। ਪਰ ਇਹ ਫਾਈਲਾਂ ਤਾਂ ਕੇਵਲ ਐਪਾਂ ਲਈ ਹੀ ਹੁੰਦੀਆਂ ਹਨ ਵਰਤੋਂਕਾਰਾਂ ਲਈ ਨਹੀਂ। ਅਜਿਹੀ ਹਾਲਤ ਵਿੱਚ ਤੰਤਰ ਵੱਲੋਂ ਐਪਾਂ ਨਾਲ ਸਬੰਧਿਤ ਸਾਰੇ ਫੋਲਡਰਾਂ ਵਿੱਚ ਨੋ-ਮੀਡੀਆ ਫਾਈਲ ਆਪਣੇ-ਆਪ ਹੀ ਬਣਾ ਦਿੱਤੀ ਜਾਂਦੀ ਹੈ। ਇਸ ਤਰ੍ਹਾਂ ਇਹ ਫਾਈਲਾਂ ਗੈਲਰੀ ਵਿੱਚ ਨਹੀਂ ਆਉਂਦੀਆਂ।

ਵਰਤੋਂਕਾਰਾਂ ਲਈ ਇਸ ਫਾਈਲ ਸਬੰਧੀ ਕੁਝ ਨੁਸਖ਼ੇ:

ਮੰਨ ਲਵੋ ਕਿ ਤੁਹਾਡੇ ਫ਼ੋਨ ਵਿੱਚ ਕੁਝ ਅਜਿਹੀਆਂ ਤਸਵੀਰਾਂ ਹਨ ਜੋ ਕਿ ਆਮ ਲੋਕਾਂ ਦੀ ਪਹੁੰਚ ਤੋਂ ਦੂਰ ਰੱਖਣਾ ਚਾਹੁੰਦੇ ਹੋ ਪਰ ਤੁਸੀਂ ਉਨ੍ਹਾਂ ਨੂੰ ਲੁਕਾਉਣ ਲਈ ਐਪਾਂ ਦੀ ਵਰਤੋਂ ਕਰਨ ਤੋਂ ਗੁਰੇਜ਼ ਕਰਦੇ ਹੋ ਕਿਉਂਕਿ ਤੁਹਾਡਾ ਸੋਚਣਾ ਹੈ ਕਿ ਜੇਕਰ ਤੁਸੀਂ ਅਜਿਹੀ ਕੋਈ ਐਪ ਸਥਾਪਿਤ ਕਰਦੇ ਹੋ ਤਾਂ ਸਭ ਸਹਿਜੇ ਹੀ ਸਮਝ ਜਾਣਗੇ ਕਿ ਤੁਸੀਂ ਕੁਝ ਲੁਕਾਈ ਜਾ ਰਹੇ ਹੋ। ਸੋ ਇਸ ਤਰ੍ਹਾਂ ਦੀ ਸਥਿਤੀ ਤੋਂ ਬਚਣ ਲਈ .nomedia ਫਾਈਲ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।

੧. ਸਭ ਤੋਂ ਪਹਿਲਾਂ ਇੱਕ ਨਵਾਂ ਫੋਲਡਰ ਬਣਾ ਕੇ ਉਹ ਸਾਰੀਆਂ ਤਸਵੀਰਾਂ, ਜੋ ਕਿ ਤੁਸੀਂ ਲੋਕਾਂ ਦੀ ਪਹੁੰਚ ਤੋਂ ਦੂਰ ਰੱਖਣਾ ਚਾਹੁੰਦੇ ਹੋ, ਇਸ ਫੋਲਡਰ ਵਿੱਚ ਰੱਖ ਦੇਵੋ।

੨. ਫਿਰ .nomedia ਨਾਂ ਦੀ ਨਵੀਂ ਫਾਈਲ ਉਸ ਫੋਲਡਰ ਵਿੱਚ ਬਣਾ ਕੇ ਰੱਖ ਦੇਵੋ।

ਇਸ ਤਰ੍ਹਾਂ ਕਰਕੇ ਤੁਸੀਂ ਆਪਣੀਆਂ ਜ਼ਰੂਰੀ ਤਸਵੀਰਾਂ ਨੂੰ ਲੋਕਾਂ ਦੀ ਪਹੁੰਚ ਤੋਂ ਦੂਰ ਰੱਖ ਸਕੋਗੇ।

ਜ਼ਰੂਰੀ ਸੂਚਨਾ-

  • ਜ਼ਿਆਦਾਤਰ ਮੂਲ ਫਾਈਲ ਪ੍ਰਬੰਧਕ (file manager) ਐਪਾਂ ਵਿੱਚ ਨਵੀਂ ਫਾਈਲ ਬਣਾਉਣ ਦੀ ਸਹੂਲਤ ਨਹੀਂ ਹੁੰਦੀ ਇਸ ਲਈ ਤੁਸੀਂ ਕੰਪਿਊਟਰ ਵਿੱਚ ਫਾਈਲ ਬਣਾ ਕੇ ਉਸ ਫੋਲਡਰ ਵਿੱਚ ਰੱਖ ਸਕਦੇ ਹੋ।
  • ਉਂਝ ਸਾਡੇ ਦੁਆਰਾ ਸਭ ਨੂੰ ਈ.ਐਸ ਫਾਈਲ ਮੈਨੇਜਰ  (ES File manager) ਵਰਤਣ ਦੀ ਸਲਾਹ ਹੀ ਦਿੱਤੀ ਜਾਂਦੀ ਹੈ। ਇਹ ਫਾਈਲ ਪ੍ਰਬੰਧਕ ਕਈ ਤਰ੍ਹਾਂ ਦੀਆਂ ਖਾਸ ਸਹੂਲਤਾਂ ਨਾਲ ਲੈਸ ਹੈ ਜੋ ਕਿ ਆਮ ਫਾਈਲ ਪ੍ਰਬੰਧਕ ਐਪਾਂ ਵਿੱਚ ਨਹੀਂ ਹੁੰਦੀਆਂ।

ਬਿਨਾਂ ਆਈਕਨ ਦੇ ਫੋਲਡਰ ਬਣਾਉਣਾ ਸਿੱਖੋ

ਪਿਆਰੇ ਸਾਥੀਓ, ਸਤਿ ਸ਼੍ਰੀ ਅਕਾਲ।
ਅਸੀਂ ਤੁਹਾਨੂੰ ਬਿਨਾਂ ਆਈਕਨ ਦੇ ਫੋਲਡਰ ਬਣਾਉਣ ਬਾਰੇ ਦੱਸਣ ਜਾ ਰਹੇ ਹਾਂ।

੧. ਸਭ ਤੋਂ ਪਹਿਲਾਂ ਜਿੱਥੇ ਕਿਤੇ ਵੀ ਫੋਲਡਰ ਬਣਾਉਣਾ ਮਾਊਸ ਦਾ ਸੱਜਾ ਬਟਨ ਨੱਪ ਕੇ new ਵਿਕਲਪ ‘ਤੇ ਫਿਰ ਬਟਨ ਨੱਪ ਕੇ folder ਵਿਕਲਪ ਚੁਣੋ।

੨. ਇਸ ਤੋਂ ਬਾਅਦ ਉਸਦਾ ਫੋਲਡਰ ਦਾ ਆਪਣੀ ਪਸੰਦ ਅਨੁਸਾਰ ਨਾਮ ਰੱਖ ਦੇਵੋ।

੩. ਨਾਮ ਨਿਰਧਾਰਤ ਕਰਨ ਤੋਂ ਬਾਅਦ ਉਸ ਫੋਲਡਰ ਉੱਤੇ ਸੱਜੀ-ਕਲਿੱਕ ਕਰਕੇ properties ‘ਤੇ ਕਲਿੱਕ ਕਰੋ। ਅਜਿਹਾ ਕਰਨ ਨਾਲ ਇੱਕ ਨਵਾਂ ਬਕਸਾ ਖੁੱਲੇਗਾ।

੪. ਇਸ ਨਵੇਂ ਬਕਸੇ ਵਿੱਚ ਟੈਬ ‘ਚ ਉਪਲਬਧ customize ਚੋਣ ਨੂੰ ਚੁਣੋ।

੫. ਇਸ ਚੋਣ ਵਿੱਚ ਸਭ ਤੋਂ ਹੇਠਾਂ ਆਈਕਨ ਬਦਲਣ ਦੀ ਸਹੂਲਤ change icon… ਸ਼ਾਮਿਲ ਹੈ, ਉਸ ‘ਤੇ ਕਲਿੱਕ ਕਰੋ।

੬. ਇਸ ਤੋਂ ਬਾਅਦ ਨਵਾਂ ਬਕਸਾ ਖੁੱਲੇਗਾ, ਜਿਸਦੀ 13ਵੀਂ ਕਤਾਰ ਦੇ ਦੂਜੇ, ਤੀਜੇ ਅਤੇ ਚੌਥੇ ਕਾਲਮ ਦੇ ਅਦ੍ਰਿਸ਼ ਆਈਕਨ ਦੀ ਚੋਣ ਕਰੋ ਅਤੇ ਫਿਰ ਇਸ ਨੂੰ save ਕਰ ਦੇਵੋ।

ਇਹ ਵੀ ਦੇਖੋ: ਬਿਨਾਂ ਨਾਮ ਦੇ ਫੋਲਡਰ ਬਣਾਉਣਾ ਸਿੱਖੋ।

ਹੁਣ ਤੁਸੀਂ ਦੇਖੋਗੇ ਕਿ ਤੁਹਾਡਾ ਬਿਨਾਂ ਆਈਕਨ ਵਾਲਾ ਫੋਲਡਰ ਤਿਆਰ ਹੋ ਗਿਆ ਹੈ। ਜੇਕਰ ਤੁਸੀਂ ਫਿਰ ਪਹਿਲਾਂ ਵਾਲਾ ਆਈਕਨ ਹੀ ਰੱਖਣਾ ਹੈ ਤਾਂ ਉਪਰੋਕਤ ਦੱਸੇ ਹੋਏ ਕਦਮ ਮੁੜ-ਦੁਹਰਾਓ ਅਤੇ ਕੋਈ ਹੋਰ ਆਈਕਨ ਚੁਣੋ ਜਾਂ ਫਿਰ restore default ‘ਤੇ ਨੱਪੋ।

ਬਿਨਾਂ ਆਦੇਸ਼ਕਾਰੀ ਤੋਂ ਫੋਲਡਰ ਨੂੰ ਜਿੰਦਰਾ (ਲੌਕ) ਕਿਵੇਂ ਲਗਾਇਆ ਜਾਵੇ

ਬਿਨਾਂ ਆਦੇਸ਼ਕਾਰੀ ਤੋਂ ਫੋਲਡਰ ਨੂੰ ਜਿੰਦਰਾ (ਲੌਕ) ਕਿਵੇਂ ਲਗਾਇਆ ਜਾਵੇ

ਪੜ੍ਹਨਾ ਜਾਰੀ ਰੱਖੋ

ਬਿਨ੍ਹਾਂ ਨਾਮ ਦੇ ਫੋਲਡਰ ਬਣਾਉਣਾ ਸਿੱਖੋ

ਬਿਨ੍ਹਾਂ ਨਾਮ ਦੇ ਫੋਲਡਰ ਬਣਾਉਣਾ ਸਿੱਖੋ

ਪਿਆਰੇ ਸਾਥੀਓ, ਸਤਿ ਸ਼੍ਰੀ ਅਕਾਲ।
ਅਸੀਂ ਅੱਜ ਤੁਹਾਨੂੰ ਕੰਪਿਊਟਰ ਬਿਨ੍ਹਾਂ ਨਾਮ ਦੇ ਮਿਸਲ-ਪਿਟਾਰਾ (ਫੋਲਡਰ) ਬਣਾਉਣ ਬਾਰੇ ਦੱਸਣ ਜਾ ਰਹੇ ਹਾਂ।

੧. ਸਭ ਤੋਂ ਪਹਿਲਾਂ ਤਾਂ ਜਿੱਥੇ ਫੋਲਡਰ ਬਣਾਉਣਾ ਹੋਵੇ ਉੱਥੇ ਖੱਬੀ-ਕਲਿੱਕ ਕਰਕੇ new ਚੋਣ ‘ਤੇ ਕਲਿੱਕ ਕਰਕੇ folder ਉਸਨੂੰ ਚੁਣੋ।

੨. ਇਸ ਤੋਂ ਬਾਅਦ ਇੱਕ ਫੋਲਡਰ ਤਿਆਰ ਹੋ ਜਾਵੇਗਾ ਅਤੇ ਤੰਤਰ ਵੱਲੋਂ ਤੁਹਾਨੂੰ ਉਸਦਾ ਨਾਂ ਰੱਖਣ ਲਈ ਆਗਤ-ਡੱਬਾ ਨਜ਼ਰ ਆਵੇਗਾ। ਇਸਦਾ ਨਾਂ alt+0160 ਜਾਂ alt+0255 ਰੱਖ ਦੇਵੋ।

੩. ਫਿਰ ਤੁਸੀਂ ਦੇਖੋਗੇ ਕਿ ਤੁਹਾਡਾ ਬਿਨ੍ਹਾਂ ਨਾਂਅ ਵਾਲਾ ਫੋਲਡਰ ਤਿਆਰ ਹੋ ਗਿਆ ਹੈ।

ਜ਼ਰੂਰੀ ਸੂਚਨਾ-
ਨਾਮਕਰਨ ਕਰਦੇ ਸਮੇਂ ਫੋਲਡਰ ਦਾ ਨਾਂ ਲਿਖਤ ਤੌਰ ‘ਤੇ alt+0160 ਨਹੀਂ ਬਲਕਿ alt ਕੁੰਜੀ ਨੱਪਦੇ ਹੋਏ 0160 ਲਿਖਣਾ ਹੈ।

ਤਕਨੀਕੀ ਸ਼ਬਦਾਵਲੀ

  • ਆਗਤ-ਡੱਬਾ ― Input Box
  • ਤੰਤਰ ― System
  • ਮਿਸਲ-ਪਿਟਾਰਾ ― Folder

ਹੋਰ ਸ਼ਬਦਾਵਲੀ ਪੜ੍ਹਨ ਲਈ ਇੱਥੇ ਨੱਪੋ।